Vivo ki nayi Z- series ka first smartphone, jaldi hi India mein launch hone waala hai. Is smartphone ka naam Vivo Z1 Pro hoga, jiske kaafi specs hamaare saamne aa chuke hain. Acchi baat ye hai ki latest chipset aur triple camera setup ke saath, ye phone lower mid-range segment mein launch hoga aur Redmi Note 7 Pro 6GB model, Samsung Galaxy M40 aur upcoming Realme X jaise smartphones ke saath compete karega.
Company ne iski launch date announce kar di hai aur Vivo Z1 Pro ko ek launch event ke dauraan July 3 ko India mein introduce kiya jayega. Ye ek Flipkart exclusive phone hoga, jiski expected price 20,000 INR bataayi jaa rahi hai. Ismein aapko Snapdragon ka latest 700 series ka chipset, Snapdragon 712 AIE dekhne ko milega.
Iske alawa Vivo Z1 Pro ki highlight hai, usmein aane waali 5,000mAh ki massive battery, jo ki 18W fast charging support ke saath di gayi hai. Saath hi ismein aapko 6.53 inch ki full HD+ display milne waali hai.
Is phone ko company 4GB RAM / 64GB internal memory, 6GB RAM / 64GB internal memory aur 6GB RAM / 128GB inbuilt storage variants mein launch karne jaa rahi hai. Iske alawa yahaan aapko 16 MP ka primary rear camera, 8 MP ka ultra wide angle camera aur 2 MP ka depth sensor diya jayega. Halaanki camera ki detailed specs launch ke samay hi pata chalegi.
Selfie lovers ke liye Vivo Z1 Pro mein 32 MP ka front camera diya gaya hai. Iske alawa ismein multiple gaming features, Widewine L1 certification aur OTG support jaise kayi features bhi moujood honge.